İslam // 2021 4-03, 22:00

ŞOTLAND XANIM İSLAM DİNİNİ QƏBUL ETMƏSİ HAQQINDA DANIŞDI

 HesenEskeri.az Az.shafaqna.com-a istinadən xəbər verir ki, Şotlandiya sakini İslam dinini necə qəbul etməsi barədə və bəzilərinin ona qarşı qərəzli reaksiyası haqda danışıb.

Don adlı şotlandiyalı xanım xristian ailəsində anadan olub, uşaq vaxtı Qlazqoda kilsədə xristianlıqla bağlı dərslərdə iştirak edib və Bibliyanı tədqiq edib. Atasının ölümündən sonra isə dini baxışları haqda fikrə gedib.

“Universitetdə təhsil alarkən mən əlavə qazanc üçün Hindistan restoranına işə düzəldim. Həmin məkanı Qlazqoda yaşayan pakistanlı iki qardaş idarə edirdi”, – deyə o bildirib və əlavə edib ki, daha öncə eşitmədiyi İslam barədə ilk dəfə orada eşidib.

Don qardaşlardan ətraflı şəkildə İslam barədə suallar soruşurdu, dini kitablar əldə edib və anlayıb ki, İslam onun dünyagörüşü ilə tam üst-üstə düşür.

Gənc qız 26 yaşında müsəlman olub. İndi onun 38 yaşı var və mühasib işləyir, 2 uşaq anasıdır.

“İslamı qəbul etdikdən sonra mən çox xoşbəxt oldum. Ramazan ayı gəldi və mən özümün ilk orucumu tutub ilk bayramımı keçirdim”, – deyə o bildirib.

Donun sözlərinə görə, hicab taxması ilə cəmiyyətin bəzi fərdlərinin qərəzli baxışlarının şahidi olub və bu, onun üçün asan bir sınaq olmayıb.

İslama gəlişindən 12 il sonra şotland xanımı həmin qərarını həyatının ən yaxşı qərar adlandırır.