Xəbərlər / Dünya // 2021 25-02, 21:25

Londonda “Justice For Khojaly” aksiyası - FOTO

Xocalı soyqırımını dünya ictimaiyyətinə çatdırmaq və faciə haqqında insanlarda fikir yaratmaq üçün Avropanın bir sıra ölkələrində aksiyalar keçirilir.

Belə aksiyalardan biri də Londonda təşkil olunub.

Bununla bağlı görüntülər sosial şəbəkələrdə yayılıb.

Bildirilib ki, İngiltərənin paytaxtında müxtəlif reklam lövhələrində, bilbordlarda, xüsusi icarəyə götürülmüş avtomobillərin üzərindəki elektronik ekranlarda “Justice For Khojaly” yazılıb və faciə haqqında yerli sakinlərə məlumatlar verilib.

Həmçinin vurğulanıb ki, oxşar aksiyalar Şotlandiyanın Edinburq, həmçinin ABŞ-ın Raley və Minneapolis şəhərlərində də təşkil edilib.