TİBBİ HƏDİSLƏR TOPLUSU. HƏZMETMƏ ORQANININ SAĞLAMLIĞI.
![](/uploads/posts/2021-07/medium/1626338161_3894ef9d-e575-437d-b976-57eeef2689df.jpg)
Pəhriz
Peyğəmbər (s): Mədə bütün xəstəliklərin evi, pəhriz isə bütün dərmanların köküdür.
İmam Sadiq (ə): Mədə xəstəlik evi, pəhriz isə yeganə dərmandır.
Həzmə kömək edən vasitələr
a) Kahi
Peyğəmbər (s): Kahı yuxu gətirir və yeməyi həzmə verir.
b) Xurma
. Peyğəmbər (s): Cəbrayıl (ə) mənə xəbər verib ki, bərni xurmasında doqquz xüsusiyyət var: ağız iyini təravətləndirir, mədəni saflaşdırır, yeməyi həzmə verir.
«Kafi»>- Əbu Əmr bir şəxsdən, o da İmam Sadiqdən (ə): <<Yediyiniz ən yaxşı xurma bərni xurmasıdır. O, özündə heç bir xəstəlik olmaya-olmaya xəstəliyi aradan qaldırır, heç bir zərər vermədən yorğunluğu götürür və bəlğəmi təmizləyir. Hər bir xurma yeməyin savabı var.>>
Başqa bir rəvayətdə isə deyilir: "Xurma yeməyi həzmə verir, mədədə ağırlıq saxlamır, yorğunluğu aradan qaldırır və insanı doyuzdurur.>>
c) Pendir
İmam Sadiq (ə): Pendir özündən qabaq yeyilənləri həzmə verir və iştaha yaradır.
İmam Sadiq (ə): Sıyıq xaşı həzm elətdirir.
«Məkarimul-əxlaq» - Əli ibn Süleymandan: İmam Rzanın (ə) yanında xaş yedik. Həzrət sıyıq gətizdirdi. Mən doyduğumu bildirəndə dedi: «Azacıq sıyıq yemək xaşı həzmə verir, onun dərmanıdır.>>
d) Diş fırçalamaq
Peyğəmbər (s): Hər kəs gündə iki dəfə dişlərini fırçalasa, peyğəmbərlərin adətini yerinə yetirib, yediyi həzm olunar.
e) Yeməkdən sonra arxası üstə uzanmaq
İmam Sadiq (ə): Yeməkdən sonra arxası üstə uzanmaq bədəni kökəldir, yeməyi həzmə verir və xəstəliyi bədəndən qovur.
«Tərif»: Rəvayət edilib ki, yeməkdən sonra arxası üstə uzanmaq qidanı həzmə verir, damarları açır. Yeməkdən sonra yatmaq da həzmi yaxşılaşdırır.
İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.