Dünya / Səhiyyə // 2021 10-03, 12:28

KORONAVİRUS VAKSİNİ İLƏ BAĞLI DİQQƏT ÇƏKƏN ARAŞDIRMA

Koronavirusa qarşı “Pfizer/BioNTech” vaksininin COVID-19-un “Braziliya ştamı”na (P.1) təsiri müəyyənləşib.

“New England Journal of Medicine”də bu barədə araşdırma dərc edilib.

İki özəl tibb şirkətinin və Texas Universitetinin alimləri P.1 mutasiyası ilə eyni sünbül zülalı mutasiyaları olan virus versiyasını istehsal ediblər.

“Pfizer” peyvəndi olan insanlardan alınan qan nümunələrində laboratoriyada istehsal olunan virus test olunub.

Sünbül zülalı virusun insan hüceyrələrinə daxil olmaq üçün istifadə olunan bir hissəsi olaraq bilinsə də, əksər peyvəndlər virusun bu tərəfini hədəf alır.

Araşdırma zamanı məlum olub ki, qandakı antikorlar test virusunu təsirsiz hala gətirə bilir.