“Son illərdə ictimai yerlərdə siqaret çəkmək qadağan edilib, amma hələ də bir çox insan bu qaydanı tam bilmir. Qanuna görə, siqaret çəkmək yalnız xüsusi ayrılmış yerlərdə mümkündür”.

Bu fikirləri hüquqşünas Orxan Əli Demokrat.az-a açıqlamasında söyləyib.

O deyib ki, dayanacaqlarda, parkların girişində, uşaq meydançalarında və ictimai nəqliyyat yaxınlığında siqaret çəkmək olmaz:

“Küçənin istənilən yerində siqaret çəkmək də qayda pozuntusu sayılır. Belə halda vətəndaş 30-50 manat arası cərimələnə bilər. Qanun həm siqaret çəkənlərə, həm də buna göz yuman obyekt sahiblərinə şamil olunur. Məqsəd insanları cəzalandırmaq deyil, sağlam həyat tərzini təşviq etməkdir. Çünki passiv siqaret çəkmək də sağlamlığa ciddi zərər vurur. Problem ondadır ki, insanlar çox vaxt qaydanı pozduqlarını bilmirlər. Buna görə maarifləndirmə işi gücləndirilməlidir. Sosial çarxlar, xəbər saytlarında məlumatlar vacibdir. Həmçinin, ictimai yerlərdə xəbərdaredici lövhələr artırılmalıdır. Bu qaydalara əməl etmək həm cəmiyyətin sağlamlığı, həm də şəhərin təmiz havası üçün vacibdir”.