Hüquqi Məsələlər // Bu gün, 13:30

Sual: Yetkinlik yaşına çatmayanlara təyin edilən cəzanın növləri hansılardır?

Sual: Yetkinlik yaşına çatmayanlara təyin edilən cəzanın növləri hansılardır?

Cavab:Yetkinlik yaşına çatmayanlara aşağıdakı cəza növləri təyin edilir: 1. cərimə; 2. ictimai işlər; 3. islah işləri; 4. azadlığın məhdudlaşdırılması; 5. müəyyən müddətə azadlıqdan məhrum etmə. - Cərimə, yalnız müstəqil əmək haqqı və ya bu cəzanın icrasına yönəldilə bilən əmlakı olan yetkinlik yaşına çatmayana təyin edilir. Cərimə altı yüz manatadək miqdarda təyin edilir. - İctimai işlər səksən saatdan üç yüz iyirmi saatadək müddətə təyin olunur və yetkinlik yaşına çatmayan məhkumun bacardığı, onun təhsildən və əsas işindən asudə vaxtlarda yerinə yetirdiyi işlərdən ibarətdir. Bu cəza növünün icra müddəti on beş yaşınadək şəxslər üçün gündə iki saatdan, on beş yaşından on altı yaşınadək şəxslər üçün isə gündə üç saatdan çox ola bilməz. Yetkinlik yaşına çatmayanlara islah işləri iki aydan bir ilədək müddətə təyin edilir. Bu zaman məhkumun qazancından məhkəmənin hökmü ilə müəyyən edilmiş miqdarda, beş faizdən iyirmi faizə qədər pul dövlət nəfinə tutulur. Azadlığın məhdudlaşdırılması yetkinlik yaşına çatmayanlara iki aydan iki ilədək müddətə təyin edilir.