Mədəniyyət // 2023 22-iyun, 20:55

Ömür Yazarın "Yad adam" adlı kitabının təqdimatı. FOTO

17 İyun 2023-cü il tarixdə saat 12:00-da Sumqayıt şəhər Poeziya Evində Ömür Yazarın yeni nəşr olunmuş müxtəlif janrlarda yazdığı əsərlərdən ibarət “Yad adam” adlı kitabının təqdimatı və imza günü keçirilib. 

Əli Kərim adına Poeziya Evinin direktoru İbrahim İlyaslı tədbiri giriş sözü ilə açdıqdan sonra tədbirin aparıcısı gənc bəstəkar Abbasəli Əliyev müəllifin həyatı və yaradıcılığı haqqında geniş məlumat verib.

Şəhid Zöhrab Allahverdiyevin atası Sübhan Allahverdiyev, Sumqayıt şəhər Poeziya Evinin əməkdaşları: metodist, yazıçı Almaz Ərgünəş Bəyazid, təşkilatçı, gənc şair Elvin İntiqamoğlu, “Həsən Əskəri” dərnəyinin rəhbəri Ələkbər Azimov, şairlərdən: Yetim Qacar, Vüsal Ağa, Şəfəq Üfüq, Elçin Nur çıxış edərək müəllifin yeni çap olunmuş kitabı haqqında öz fikirlərini bölüşüblər.

Xırdalan şəhər 1 saylı tam orta məktəbin şagirdi Rəhimə Kərimova, Ömür Yazarın övladları: Bakı şəhər 284 saylı tam orta məktəbin şagirdləri Səyyarə Hüseynova və Cəsur Hüseynov kitabda yer alan şeirlərdən bir neçəsini səsləndiriblər.

Vüsal Ağanın, Günel Türksoyun, Fədai Nacinin, Elmar Nağdəliyevin ifasında yer almış şeirlər qonaqlara video-çarx şəklində təqdim olunub.

Ömür xanımın ailəsi də, iş yoldaşları da tədbirdə iştirak ediblər.

Sonda müəllif oxucular üçün kitablarını imzalayıb.

İmza mərasimi bitdikdən xatirə şəkilləri çəkilib.

Mənbə: Sumqayıt şəhər, Əli Kərim adına poeziya evinin rəsmi facebook səhifəsi.