Xəbərlər // 2023 4-iyul, 13:24

Zəlzələ baş verərsə Bakının hansı əraziləri daha təhlükəlidir? - Qurban Yetirmişli açıqladı

“Bakının seysmoloji baxımdan mikrorayonlaşdırma xəritəsi hələ ki yoxdur”.
Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzinin (RSXM) baş direktoru Qurban Yetirmişli jurnalistlərə açıqlamasında deyib.
O bildirib ki, Bakının, eləcə də respublikanın 8-9 ballıq zonada yerləşməsi hər kəsə məlumdur:
“Burada çoxmərtəbəli binaların tikilməsi təhlükəsi yoxdur. Tikintidən öncə ərazidə 8-9 ballıq zəlzələnin olması məlumdur. Bunu da Fövqəladə Hallar Nazirliyi layihələndirmə zamanı nəzərə alır. Bütün bunlar öncədən müəyyənləşdirilir. Hər şey necə lazımdır nəzarətdədir”.