Xəbərlər / Səhiyyə // 2021 4-noyabr, 19:24

Azərbaycanda koronavirusa görə qapanmalar olacaqmı? - RƏSMİ AÇIQLAMA

Azərbaycanda pandemiya ilə əlaqədar olaraq növbəti qapanmalar gözlənilmir.

"Heseneskeri.az" "Oxu.Az"-a istinadən  xəbər verir ki, bunu jurnalistlərə açıqlamasında Prezidentin köməkçisi Şahmar Mövsümov deyib.

O bildirib ki, qapanmaların olacağı ilə bağlı yayılan şayiələr əsassızdır.

“Əsas məsələ xəstəxanalarda yerlərin olub-olmaması ilə əlaqədardır. Xəstəxanalarda yer varsa, demək səhiyyənin xəstələri qəbul etmək imkanları var. Buna görə də qapanmalara getməyə ehtiyac yoxdur. Bəzi məktəblərin virusa görə bağlanmasına gəlincə, onlar iki həftədən sonra yenidən açılır. Bu proses protokollara uyğun olaraq idarə edilir. Məktəblərin bağlanması nəzərdə tutulmur”, - deyə o əlavə edib.