Xəbərlər // 2025 29-iyul, 13:48

İsti havada kondisioner işlətməyin bilinməyən ZƏRƏRLƏRİ

İstilərdən qaçıb sığındığımız sərin otaqlar bəzən orqanizm üçün gözlənilməz təhlükələr yarada bilər.   

Kondisioner və havalandırma sistemləri düzgün istifadə edilmədikdə sağlamlıq üçün ciddi risklər doğurur. Mütəxəssislərin sözlərinə görə, günün böyük hissəsini sərin mühitdə keçirmək, xüsusilə birbaşa soyuq hava axınına məruz qalmaq, əzələ spazmları, boyun tutulması, bel və oynaq ağrılarına səbəb olur. Xüsusilə uşaqlar və yaşlılarda bu hallar daha tez-tez müşahidə olunur.
Ən böyük təhlükələrdən biri isə cihazların içində gizlənən bakteriyalardır. Uzun müddət təmizlənməyən filtrlərdə yaranan kif və mikroorqanizmlər hava yolu ilə yayılaraq, xüsusilə zəif immun sisteminə sahib insanlarda "Legioner xəstəliyi" kimi ciddi infeksiyalara yol aça bilər.