Xəbərlər / Dünya // 2021 9-10, 11:07

Əfqanıstanda məscidin partladılması nəticəsində ölənlərin sayı yüzü keçib

Əfqanıstanın Künduz əyalətində əsasən şiə həzarələrin ibadət etdiyi məsciddə törədilən terror aktında ölənlərin sayı 100-ü keçib.

 

 SalamNews-a istinadla xəbər verilir ki, bunu Künduzun səhiyyə mənbələri bildiriblər.

 

Qeyd edilib ki, Seyidabad məscidində cümə namazı vaxtı kamkadze tərəfindən törədilən partlayışda ölənlərin sayı 100-ü keçib.

 

Ölkəni nəzarətdə saxlayan Taliban hərəkatı terror aktının araşdırıldığını bildirib.

 

İŞİD terror təşkilatı bəyanat yayaraq, partlayışı üzərinə götürüb və hücumun Məhəmməd Uyğur ləqəbli üzvü tərəfindən “həzarə şiələrin məbədi”nə qarşı həyata keçirildiyini elan edib.

 

Əfqanıstanı nəzarətə götürən Taliban hərəkatı bundan öncə İŞİD-in ölkədə təhlükə olmadığını yalnız başağrısı olduğunu bildirmişdi. Hərəkat vəd vermişdi ki, ölkədə İŞİD kimi terror qruplarına  ayaq açmağa imkan verməyəcək.