Xəbərlər / Səhiyyə // 2021 21-09, 16:25

Taksi sürücülərinin NƏZƏRİNƏ: COVID-19 pasportu tələb olunacaq

“Koronavirus əleyhinə birinci dozanı vurduran taksi sürücüləri gələn ayın əvvəlinədək mütləq qaydada ikinci dozanı da vurdurmalıdır”.

HesenEskeri.az Oxu.Az-a Istinad edərək  bildirir ki, Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib.

Onun sözlərinə görə, ikinci dozanı vurdurmayan sürücülərə qarşı polis əməkdaşları tərəfindən yoxlamalar həyata keçiriləcək:

“Belə hallar aşkarlanacağı təqdirdə müvafiq tədbirlər görüləcək. Daxili İşlər Nazirliyi bununla bağlı sürücülərə xəbərdarlıq edib”.

O qeyd edib ki, sürücülər immunitet sertifikatı alaraq da sərnişindaşıma xidməti göstərə bilər.

İlhamə Əbülfət