İslam / Hədislər // 2021 30-06, 13:37

TİBBİ HƏDİSLƏR TOPLUSU. AĞIZI XOŞƏTİRLİ EDƏN VASİTƏLƏR.

a) Kişmiş

Peyğəmbər (s): Mövüc nə yaxşı təamdır. O, əsəbləri möhkəmləndirir, xəstəliyi aradan qaldırır, qəzəbi yatırdır, Allahı razı salır, bəlğəmi təmizləyir, ağız iyini təravətləndirir vərəngi açır.

b) Pendir

 İmam Sadiq (ə): Pendir nə yaxşı təamdır! Ağızı dada gətirir, ağız iyini təravətləndirir, mədədə olanları həzmə verir və iştaha gətirir.

c) Soğan

«Kafi» - Əbdullah ibn Məhəmməd Cufidən: İmam Sadiq(ə) soğanı xatırladaraq dedi: «Ağız iyini təravətləndirir, bəlğəmi aradan qaldırır və cinsi qabiliyyəti artırır.>>

ç) Dağreyhanı

İmam Sadiq (ə): Dağreyhanı peyğəmbərlərin göyərtisidir. Onda səkkiz xüsusiyyət var: yeməyi həzmə verir, damarlardakı tıxacları açır, gəyirmə iyini təravətləndirir, ağız iyini ətirləndirir, iştaha gətirir,...

 <«<Kafi» - Əyyub ibn Nuhdan: İmam Kazim (ə) ilə bir süfrədə əyləşib yemək yeyən bir şəxs mənə dedi ki, həzrət dağreyhanı istədi və dedi: «Mən onunla yeməyə başlamağı sevirəm. O, tıxacları açır və yeməyə iştaha gətirir və... Yeməyi onunla bitir. Çünki o, özündən əvvəl yeyilənləri həzmə verir, sonra yeyiləcəklərə iştaha yaradır, ağırlığı aradan götürür, gəyirmənin və ağızın iyini təravətləndirir.>>

d) Kəvər

«Kafi» - Furat ibn Əhnəfdən: İmam Sadiqdən (ə) kəvər haqqında soruşdular. Həzrət dedi: «Yeyin. Onda dörd xüsusiyyət var: ağızın iyini təravətləndirir,...

e) Suud

İmam Sadiq (ə): Dişlərinizə suud sürtün! O, ağızı təmizləyir, cinsi qabiliyyəti artırır.

a) Buxur çeynəmək

 İmam Əli (ə): Sənubər çeynəmək dişləri möhkəmləndirir, bəlğəmi və ağzın pis iyini aradan qaldırır.

f) Kəklikotu və duz

 <«<Məkarimul-əxlaq»: İmam Sadiq (ə) buyurdu: «<Dörd şey gözü nurlandırır. Onların yalnız faydası var, zərəri yoxdur.» Həzrətdən onlar haqqında soruşduqda dedi: -Kəklikotu və duzu bir-birinə qatanda... ürəkdən yeli qovur, tıxacları açır, bəlğəmi təmizləyir, suyu dövr elətdirir,
ağız iyini təravətləndirir, mədəni yumşaldır, ağızdakı pis iyi aradan qaldırır və cinsiyyət qabiliyyətini artırır.

g) Sürmə çəkmək

İmam Sadiq (ə): Sürmə ağızı dada gətirir.

 İmam Sadiq (ə): Gecə sürmə çəkmək ağızı xoşiyli edir. Onun faydası qirx günə qədər davam edir.

 «<Məkarimul-əxlaq»: İmam Sadiq(ə) buyurdu: Sürmədən istifadə edin. O, ağızı xoşiyli edir. Fırçadan bəhrələnin. O, gözü nurlandırır.

Rəvayətçi soruşdu:

-Necə yəni?

-Çünki dişləri fırçalayanda bəlğəm yuxarıdan aşağı tökülür və göz nurlanır. Sürmə çəkəndə isə bəlğəm tamamilə aradan gedir və beləcə ağız xoşiyli olur.

İmam Sadiq (ə): Sürmə tük gətirir, göz yaşını (gözün sulanmasını) azaldır, ağız suyunu dada gətirir və gözü nurlandırır.

İmam Baqir (ə): İsmid sürməsi ağızın iyini təravətləndirir və kirpikləri bərkidir.

ğ) Rәng qoymaq

Peyğəmbər (s): Rəng üçün xərclənən bir dirham Allah yolunda xərclənən bir dirhəmdən daha üstündür. Onda on dörd xüsusiyyət var: qulaqlardan yeli qovur, gözdən toru götürür, burun damarlarını yumşaldır, ağız iyini təravətləndirir, diş ətini bərkidir, zəifləməyin qarşısını alır, şeytanın vəsvəsəsini azaldır, mələklər onunla sevinir, möminin ürəyi açılır, kafir isə qəzəblənir. O, zinət, xoş ətir, qəbir evində günahlardan amanda olmaqdır. İnkir-minkir ondan həya edir.

İmam Sadiq (ə): Xına tərin pis qoxusunu aradan qaldırır, üzün təravətini artırır, ağız iyini təravətləndirir və uşaq gözəl doğulur.

h) İlıq su

İmam Sadiq (ə): Allahın Rəsulu (s) iftarını halva ilə açardı. Halva tapmayanda şəkər və ya xurmadan istifadə edərdi. Bunların heç biri olmayanda ilıq su içər və deyərdi: <«<Bu, mədə və qara ciyəri təmizləyir, ağız və onun iyini yaxşılaşdırır, dişləri gücləndirir.»