Qərbin müsəlman qaçqınlara qarşı ikiüzlü rəftarı

Dünya / Siyasət // 2022 6-03, 10:20

HESENESKERI.AZ ( Az.shafaqna.com ) saytına istinadən xəbər verirki, Qərb ölkələrinin ukraynalı qaçqınlara şəfqət və qayğı göstərməsi, ərəb ölkələrinin, o cümlədən də Fələstin sakinlərinin əzab-əziyyətlərinə qarşı biganəliyi irqçi yanaşmanın olduğunu nümayiş etdirir.
Bu barədə jurnalist Liliya Muxamedyarova bildirib.
Xanım Muxamedyarova vurğulayıb ki, burada söhbət seçmə “şəfqət” və “mərhəmətdən” söhbət gedir.
“Fələstində bu günlərdə İsrail ordusunun (fələstinli) uşaqlara qarşı görünməmiş zorakılığı var – çox sayda video-material var. Ümumiyyətlə, fələstinlilər İsrail ilə müharibədə (İsrail tərəfindən törədilən) bütün uşaq və böyük qətllərini sənədləşdirirlər. Bu martiroloq (şəhidlər barədə məlumat olan sənəd – red.) internetin sayəsində hər kəs üçün əlçatandır. Ona görə də bir dövlət başçısının Fələstinlə müharibə ilə bağlı siyasi vəziyyətdən xəbərsiz olduğunu demək seçmə “şəfqətə” uymaq deməkdir“, – deyə müsəlman jurnalist qeyd edib.
O əlavə edib ki, bu günlərdə İsrail qüvvələri fələstinli oğlan və qız uşaqlarını həbs edir, döyür, onların üstünə səs və gözyaşardıcı qumbaralar atırlar. “Instagram” və “Facebook” isə yaralanan 10 yaşlı fələstinli qızın olduğu videonu bloklayır.
Qeyd edək ki, jurnalistin sözünə qüvvət olaraq ikili standartlara bunları misal göstərə bilərik:
“NBC News”-in müxbiri Ukrayna və Suriyadan gələn qaçqınlar arasında çox böyük fərqin olduğunu deyib.
“Onlar xristiandırlar, bəyazdırlar, onlar bizə olduqca oxşayırlar (…) Bu, nisbətən mədəni, nisbətən Avropa şəhəridir”, – deyə “NBC News” müxbiri qeyd edib.
Fransanın BFMTV telekanalı da oxşar fikir səsləndirib: “Biz artıq burada suriyalılar haqda danışmırıq (…), bizə oxşayan və maşınlarla gedən avropalılar haqda (danışırıq)”.
Ukraynanın baş prokurorunun keçmiş müavini David Sakvarelidze BBC-yə müsahibəsində deyib ki, “mavi gözlü və açıq rəngli saçı olan avroplalıların öldürülməsi” ilə bağlı şok keçirir.