Dünya / Siyasət // 2024 6-aprel, 13:03

Ekvador polisi Meksika səfirliyinə basqın etdi - VİDEO

Ekvadorun təhlükəsizlik qüvvələri diplomatik toxunulmazlığa baxmayaraq, Meksikanın bu ölkədəki səfirliyinə basqın edib.
Səfirliyə basqının görüntüləri KİV-lərdə yayılıb. 
Dekabr ayından Meksika səfirliyi 13 milyon dollar dəyərində rüşvət almaqda təqsirli bilinən Ekvadorun keçmiş vitse-prezidenti Xorxe Qlassa sığınacaq verib. Hakimiyyət onun yaxın gələcəkdə Meksikaya qaçacağını təxmin edib.
Dünən Meksika prezidenti Lopez Obradorun ekvadorlu həmkarı Daniel Noboa ilə bağlı mübahisəli çıxışından sonra Meksika səfirinin ölkədən çıxarılması elan edilib. 
Meksika prezidenti səfirliyə edilən hücumu və Qlassın həbsini “beynəlxalq hüququn pozulması” adlandırıb və Ekvadorla diplomatik əlaqələrin kəsilməsinə göstəriş verib.