TİBBİ HƏDİSLƏR TOPLUSU Bəzi qarın xəstəliklərinin müalicəsində faydası olan vasitələr.

İslam / Səhiyyə // 2021 5-08, 19:46

Armud

İmam Sadiq (ə): Armud yeyin. O, Allahın iznilə qəlbi açır və qarın ağrılarını sakitləşdirir.

Düyü və sumaq

«<Kafi»>- İmrandan: İmam Sadiqin (ə) qarın ağrısı vardı. Həzrət onun üçün düyü bişirilib üstünə sumaq səpilməsini əmr etdi. Yeyəndən sonra sağaldı.

Kəklikotu

İmam Kazim (ə): Əlinin (ə) dərmanı kəklikotu idi. O deyərdi: Kəklikotu mədə üçün paltarın üzərindəki narın tük kimidir.

Bal və qara çörəkotu

«Səhihi-Müslüm» -Əbu Səid Xidridən: Bir kişi Peyğəmbərin (s) yanına gələrək dedi: -Qardaşımın qarnına yara çıxıb.
Peyğәmbәr (s) dedi:
-Ona bal içirt!
Həmin şəxs qardaşına bal içirdəndən sonra yenidən Peyğəmbərin (s) yanına gəlib dedi:
-Mən ona bal içirtdim, amma yarası bir az da artdı.
Həzrət ona bu sözü üç dəfə dedi.
O, dördüncü dəfə də gəldi. Peyğəmbər (s) yenə dedi:
-Get ona bal içirt!
O, yenə gəlib dedi:
-İçirtdim, amma yarası bir az da artdı. Peyğəmbər (s) buyurdu:
-Sən Allahı təsdiq, qardaşının qarnını təkzib et.

Həmin şəxs gedib yenidən qardaşına bal içirtdi və qardaşı sağaldı.

İmam Əli (ə): Bir şəxs Peyğəmbərə (s) xəstəliyindən şikayət etdi. Həzrət ona dedi: «Bal şərbətinin içinə üç ədəd, ya beş, ya da yeddi ədəd qaraçörəkotu tök və iç, Allahın iznilə sağalacaqsan.>>
O, bunu etdi və sağaldı.

Bişmiş qoz

«Tibbul-aimmə» - Məhəmməd ibn İbrahim Cöfidən: Bir kişi İmam Rzaya(ə) qarın ağrısından şikayətləndi. O, ölüm həddinə gəlib çatmışdı. Həzrətdən onun üçün Allaha dua etməsini istədi. Artıq o qədər dərman içmişdi ki, bezmişdi. Dərmanlar heç bir kömək etmir, bir az da ağrısı şiddətlənirdi.
Həzrət təbəssüm edərək buyurdu:
-Xoşbəxt kişi! Bizim duamızın Allahın yanında ehtiramı var. Allahdan öz qüvvəsi ilə sənə şəfa verməsini istəyirəm. Əgər ağrılar səni tutsa, bükülsən, onda bir qoz götürüb oda at. Biləndən sonra ki, od onun içindəkini bişirib və qabığını dəyişdirib, onda ye, həmin saat ağrılar kəsəcək.
O şəxs deyir: «<And olsun Allaha, həzrətin dediyini bir dəfə etdim, Allahın iznilə ağrılar sakitləşdi.>>

İmalә

Peyğəmbər (s): Ən yaxşı müalicə olunduğunuz vasitə imalədir. O, qarnı genişlədir, xəstəlikləri qarından çıxarır və bədəni qüvvətləndirir.

Peyğəmbər (s): İmalə qarnı böyütməsəydi, onun heç bir eybi olmazdı.

İmam Sadiq (ə): İmalə dərmandır. Güman edirlər ki, o qarnı böyüdür. Onu yaxşı kişilər də ediblər.

Düyü unu

«Məhasin>> Məhəmməd ibn Mərvindən: Mən İmam Sadiqin (ə) yanında olanda həzrətin qarnı açılmışdı. Gecə ayrılanda nigaran qaldım. Səhər yanına gələndə artıq sağalmışdı. Ona dedim: -Sənə fəda olum, dünən gecə səndən ayrılanda nigaran qaldım. Sәhәr yanına gәlәndә artıq sağalmışdı. Ona dedim:
-Sәnә fәda olum,dünәn gecә sәndәn ayrılanda xәstәliyin vardı?!
Dedi:
-Bәli,әmr etdim ki,düyünü yusunlar vә qurudub əzsinlər. Ondan yedim, qarnım bərkidi.
«Kafi»> - Xalid ibn Nəcihdən: İmam Sadiqə (ə) qarın ağrısından şikayət etdim. Həzrət dedi: «Düyünü yu, qaranlıqda qurut və onu döy. Hər səhər bir ovuc içi ondan ye. İshaq Cəriri isə deyir: Onu bir az su ilə qaynat, sonra iç.

İmam Sadiq (ə): Bərk xəstələnmişdim. Qarnım ağrıdı, cismim zəiflədi. Əmr etdim ki, düyü qaynatsınlar. Ondan sıyıq hazırladılar. Yeyəndən sonra özümə gəldim.

Düyü çörəyi

İmam Sadiq (ə): Qarnı ağrıyan adama düyü çörəyi verin. Ondan həmin şəxsə daha faydalı heç bir şey yoxdur. O, mədəni təmizləyir, xəstəliyi aradan qaldırır.

Cavәrs' sıyığı

«Kafi»>- Əbdurrəhman ibn Kəsirdən: Mədinədə xəstələndim, qarnım açıldı. İmam Sadiq (ə) cavərs sıyığını mənə tərif edərək onu zirə suyu ilə qatışdırıb içməyi əmr etdi. Onu düzəldib içəndən sonra qarnım bərkidi və sağaldım.

Dəvə südü

Peyğəmbər (s): Dəvə südündə... və qarın ishalı üçün şəfa var.

Peyğəmbər (s): Dəvə südündə qarın ishalı üçün şəfa var.