Statistika sübut edir ki, sosial şəbəkələr “Azercell” müştəri xidmətlərinin mühüm tərkib hissəsinə çevrilməkdədir. Bu ilin əvvəlindən indiyədək təkcə “Facebook”da “Azercell” təmsilçiləri 213 mindən çox abunəçinin müraciətini cavablandırıblar. “Instagram”da isə bu rəqəm 70 minə yaxınlaşır. Digər populyar şəbəkə olan “Twitter”də isə cari il ərzində şirkətin müştəri xidmətlərinə sorğu göndərənlərin sayı 3 500-ə yaxındır. “Azercell”in nümayəndələri şirkətin rəsmi “YouTube” kanalında da 300-ə yaxın müraciəti qəbul ediblər. “Linkedin” üzərindən isə bu müddət ərzində 126 “Azercell” abunəçisinin sorğusu daxil olub. 

“Azercell”in “Facebook”, “Instagram”, “Twitter”, “Linkedin” və “YouTube” kimi sosial şəbəkə və platformalardakı rəsmi səhifələrində toplam 784 678 istifadəçisi var. Xatırladaq ki, məhz “Azercell” 2012-ci ildə “Twitter” platformasının, 2013-cü ildə “Facebook” sosial şəbəkəsinin təsdiqlənmiş (verified) statusunu qazanan ilk mobil operator olub. Fəaliyyətini uğurla davam etdirən lider mobil operator 2019-cu ildə “Instagram”ın bütün verifikasiya meyarlarına cavab verərək səhifənin təsdiq nişanını alıb. 

Bu səhifələrdən istifadə edən “Azercell” abunəçilərinə 24/7 rejimində yüksək keyfiyyətli xidmət təqdim olunur. Eyni zamanda, sosial şəbəkə hesablarında “Azercell”in tətbiq etdiyi yeniliklər, tarif və kampaniyalar, keçirilən sosial layihələr və xidmətlər haqqında ən son xəbərlər paylaşılır. 

“Azercell”də baş verən ən son yenilikləri qaçırmamaq üçün bizi sosial şəbəkələr üzərindən izləməyi unutmayın!

“Facebook”: https://www.facebook.com/azercell

“Instagram”: https://www.instagram.com/azercell/

“Twitter”: https://twitter.com/Azercell

“Linkedin”: https://www.linkedin.com/company/azercell/mycompany/

“YouTube”: https://www.youtube.com/c/AzercellYouTube

Daha ətraflı məlumat üçün news@mcs.az ünvanına müraciət edə bilərsiniz.

Azərbaycanın mobil rabitə sənayesinin lideri və qeyri-neft sektorunun ən böyük vergi ödəyicisi və sərmayəçisi “Azercell Telekom” MMC 1996-cı ildə təsis edilib. Hazırda 5 milyon abunəçi “Azercell”i seçir. Bazar payı 49 %, ölkə ərazisi üzrə əhatə dairəsi: 94,25 %, ölkə əhalisi üzrə əhatə dairəsi: 98,73 % təşkil edir. “Azercell” ölkədə və MDB məkanında beynəlxalq “İnvestors İn People” İnsana Sərmayə Platin Sertifikatına layiq görülən yeganə şirkətdir. Eyni zamanda Beynəlxalq Biznes STEVIE Mükafatlarının “İlin kommunikasiya şirkəti” nominasiyası üzrə ən yüksək pillədə qərarlaşaraq “Qızıl Stevie” mükafatı alan ölkənin yeganə şirkətidir. Ölkəyə bir sıra yenilikləri ilk dəfə olaraq məhz “Azercell” gətirib: GSM texnologiyası, öncədən ödəmə sistemi, mobil internet xidmətləri, 24/7 Telefon Mərkəzi (*1111), 7/7 Ön Masa xidmətləri, “Azercell Ekspres” ofisləri, M2M, 4G, mobil və onlayn müştəri xidmətləri, sosial media üzərindən müştəri xidmətləri, mobil elektron imza xidməti “Asan İmza” və s. Mobil operator “Bakutel 2019” sərgisi çərçivəsində Azərbaycanda ilk dəfə pilot rejimdə 5G texnologiyasının sınaqlarını keçirib. “Azercell”in sürətlə böyüyən 4G şəbəkəsi Bakı və Abşeron da daxil olmaqla, ölkənin 60-a yaxın bölgəsini əhatə edir. Radio siqnalların şəbəkə keyfiyyətini ölçən və simsiz rabitənin əhatə dairəsi üzrə ixtisaslaşan beynəlxalq sistemlər tərəfindən aparılmış araşdırmaların nəticələrinə əsasən, “Azercell”in 4G şəbəkəsi Azərbaycanın mobil operatorları arasında ən yüksək göstəricilər nümayiş etdirib.