Xəbərlər // 2021 21-03, 19:00

Göyərçinləri şahinlərə yem edən ərəblər cərimələndi

Göyərçinlərlə rəhmsiz rəftara görə xarici turistlər cərimələnib.
 
HesenEskeri.az Modern.az-a istinad edərək xəbər verir ki, bu barədə  Ekoloji Təhlükəsizlik Xidmətinin rəisi Hikmət Əlizadə bildirib.
 
Onun sözlərinə görə, aparılan monitorinqlər zamanı Ərəb ölkələrindən gəlmiş turistlərin Qax rayonunun  Acınohur ərazisində mülkiyyətçinin razılığı əsasında istirahət məqsədilə çadır qurduqları və özlərinə məxsus şahin quşlarına təlim keçdikləri qeydə alınıb.
 
Təlimdə ev quşları olan göyərçinlərlə  rəhmsiz rəftar olunması aşkar edildiyindən  həmin şəxslərə qarşı İnzibati Xətalar Məcəlləsinin müvafiq maddəsi ilə cərimə tətbiq olunub.
 
Xatırladaq ki, ötən gün sosial şəbəkələrdə yayılan videoda ərəb turistlərin dronun arxasına canlı göyərçin bağlayaraq şahinlərə yem etdiyi görünürdü.