İslam / Xəbərlər / Dünya // 2021 8-03, 20:29

ISVEÇRƏDƏ İCTİMAİ YERLƏRDƏ NİQAB VƏ ÇADRA GEYİLMƏSİ QADAĞAN OLUNA BİLƏR

Bu gün İsveçrədə ictimai yerlərdə üzün örtülməsinin qadağan edilməsilə bağlı referendum keçirilir.

HesenEskeri.az TASS-a istinad edərək xəbər verir ki, ölkədə aparılan ictimai rəy sorğusunun nəticəsinə görə, əhalinin 56%-i qadağanın lehinə səs verməyə hazırdır.

Qanun layihəsinə əsasən, İsveçrə sakinlərinə və ölkəyə gələn əcnəbilərə ictimai nəqliyyat, inzibati binalar, restoran və mağazalar, stadionlar, eləcə də digər kütləvi yerlərdə üzlərini örtmək qadağan olunacaq. Yalnız dini müəssisələrdə, tibbi səbəblərdən və hava şəraitindən asılı olaraq üzün bağlanmasına icazə verilə bilər.

Əgər referendum qanun layihəsinin qəbul edilməsilə başa çatarsa, İsveçrədə ictimai məkanlarda niqab və çadra kimi islami geyimlər qadağan olunacaq.