Xəbərlər // Bu gün, 14:29

Azərbaycanda mal əti bahalaşdı - Yeni qiymətlər

Bakıda mal ətinin qiymətində artım müşahidə edilir.
Əldə edilən məlumata görə, həm sümüklü, həm də sümüksüz mal əti bahalaşıb.

Qiymət artımının 2-3 manat aralığında olduğu bildirilir. Hazırda qiymətlər 21-23 manat arasında dəyişir.
Satıcılar qiymət artımını heyvan azlığı ilə əlaqələndirirlər.
Xatırladaq ki, ötən gün saytlarda paylaşılan xəbərlərdə bu barədə bəhs edilib.
Mütəxəssislər hesab edirlər ki, heyvanların sayında azalma, erkən kəsmələrin artması və xəstəliklərin geniş yayılması fonunda ət təchizatında ciddi risklər formalaşır.

"Əgər xəstəliklə bağlı təchizatda çatışmazlıq baş verərsə, qiymət 25-30 manat aralığına yüksələ bilər. Daha ağır vəziyyətdə isə bu rəqəm 30-35 manatadək arta bilər. Lakin bu proqnozlar vəziyyətin gedişatına və aidiyyəti strukturların reaksiyasına görə dəyişə bilər. Prosesi nə qədər tez və effektiv şəkildə idarə etmək mümkün olarsa, qiymət artımı da bir o qədər sabit qala bilər",- deyə A.Nəsirli bildirib.