Bu gün 2016-ci il aprel döyüşlərində canından keçmiş şəhidlərimizin məzarları ziyarət edildi... FOTO/VİDEO

HesenEskeri.Az saytı və Həsən Əskəri Dərnəyi olaraq 2016-ci il aprel döyüşlərində canından keçmiş şəhidlərimizin məzarları ziyarət edildi, ruhlarına dualar oxundu.

Binəqədinin igid oğlu, şəhid Emin Bağırovun məzarı ziyarət edildi. Mərasimdə şəhidin ailə üzvləri, Binəqədi Rayon İcra Hakimiyyəti başçısının müavini Sevinc Süleymanova çıxış etdi, Binəqədi Cümə məscidinin axundu Hacı Rəfail və Ruhanilər dualar oxudu.
Emin İmran oğlu Bağırov 2016-cı il aprelin 4-də Talış istiqamətində gedən döyüşlərdə qəhrəmancasına şəhid olmuş və doğulduğu Bakı şəhəri Binəqədi rayonunda Binəqədi qəsəbəsi qəbiristanlığı ərazisində yerləşən Vətən Müharibəsi Şəhidlərinin Xiyaban kompleksində dəfn edilib.
O ölümündən sonra göstərdiyi qəhrəmanlığa görə Azərbaycan Prezidenti İlham Əliyevin Sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.





İnformasiya
Qonaq qrupunda olanlar istifadəçilər bu Xəbəra şərh əlavə edə bilməz.