Xəbərlər // 2025 1-yanvar, 19:07

2025-ci ili Azərbaycan xalqı şəhidlərin məzarı başında qarşıladı.FOTO/VİDEO

Hər il olduğu kimi 31 dekabr təqvim dəyişikliyini Azərbaycan xalqı İkinci Fəxri Xiyabanda şəhidlərin məzarı başında keçirdi. 

Azərbaycan tarixinə qızıl hərflər ilə yazılmış Vətən müharibəsində ölkəmizin ərazi bütövlüyünün bərpası, torpaqlarımızın otuz illik işğaldan azad olunması uğrunda canlarını qurban vermiş şəhidlərin ruhlarına dualar edildi. 

Həmçinin Bakı-Qroznı reysini həyata keçirən Azərbaycan Hava Yollarına məxsus təyyarənin vurularaq Qazaxıstanın Aktau şəhəri yaxınlığında qəza enişi zamanı həyatını itirən qəhrəman pilotların da məzarları ziyarət edildi.

Şəhidlərimizin və qəzada həyatını itirənlərin ruhlarına Yasin oxundu, mərsiyələr deyildi. 

Bu minvalnan Azərbaycan xalqı şəhidlərə olan sevgisini, öz milli məsələlərdəki həmrəyliyini göstərmiş oldu.